कानपूर click2news कानपूर कसोटीत भारताने बांगलादेशचा ७ गडी राखून पराभव केला आहे. यासह टीम इंडियाने मालिकेत 2-0 असा क्लीन स्वीप केला आहे. पावसाने प्रभावित झालेल्या सामन्याच्या शेवटच्या दिवशी मंगळवारी भारतासमोर ९५ धावांचे लक्ष्य होते, जे भारतीय फलंदाजांनी १७.२ षटकांत पूर्ण केले. यशस्वी जैस्वालने 51 धावा केल्या. कोहली 29 धावांवर नाबाद राहिला.
यष्टिरक्षक ऋषभ पंतने चौकार मारून संघाला विजय मिळवून दिला. बांगलादेशी संघाने दिवसाची सुरुवात २६/२ अशी केली. सोमवारी भारताने पहिला डाव 34.4 षटकांत 9 बाद 285 धावांवर घोषित केला. टीम इंडियाने बांगलादेशला पहिल्या डावात 233 धावांत गुंडाळले होते. पावसामुळे तिसऱ्या आणि दुसऱ्या दिवसाचा खेळ रद्द करावा लागला, तर पहिल्या दिवशी केवळ 35 षटके टाकता आली. अशा स्थितीत सामना जवळपास अनिर्णित मानला जात होता, परंतु भारतीय संघाने गेल्या 2 दिवसांत संपूर्ण चित्र उलटे केले.
