समृध्दी महामार्गावर भिषण अपघात;सहा जण जागीच ठार,तर सहा जण गंभीर जखमी

नागपूर-समृध्दी महामार्गावरील मेहकर-सिंदखेडराजा दरम्यान (जि.बुलढाणा) लोणार तालुक्यातील शिवणी पिसा नजीक इर्टिगा गाडीला भीषण अपघात झाला आहे. यात सहा जण जागीच ठार झाले. तर सहा जण गंभीर जखमी झाले आहेत.तर बहुतांश जखमी तसेच मृत हे छत्रपती संभाजीनगरमधील एन-11 मधील रहिवाशी असल्याची माहिती मिळाली आहे.
हा अपघात रविवारी सकाळी लोणार तालुक्यातील शिवणी पिसा ते दुसरबीड दरम्यान घडला. भरधाव वेगातील इर्टिगा गाडी ही रस्त्याच्या मधोमध असलेल्या डिव्हायडरमध्ये घुसली व तीन ते चार पलट्या मारून दुसऱ्या बाजूच्या रस्त्यावर उलटली.या अपघातामध्ये चार जण घटनास्थळीच ठार झाले तर दोन जणांचा रुग्णालयात उपचारादरम्यान मृत्यू झाला.
अपघातामध्ये या सहा जणांचा मृत्यू
हौसाबाई भरत बर्वे (वय 60),श्रद्धा सुरेश बर्वे (वय 28),
किरण राजेन्द्र बोरुडे (वय 35),भाग्यश्री किरन बोरुडे (वय 28),प्रमिला राजेन्द्र बोरुडे (वय 58),जानवी सुरेश बरवे (वय 12 वर्ष) यांचा जागीच मृत्यू झाला आहे.
अपघातामधील जखमी
नम्रता रविन्द्र बर्वे (वय 32),रुद्र रविन्द्र बर्वे (वय 12),
यश रविंद्र बर्वे (वय 10 वर्षे),सौम्या रविंद्र बर्वे (वय 4),
जतीन सुरेश बर्वे (वय 4),वैष्णवी सुनिल गायकवाड (वय19),सुरेश भरत बर्वे (वय 35) हे जखमी झाले असून यांच्यावर छञपती संभाजी नगर येथे उपचार सुरू आहेत.
पाऊण तास मदत नाही
अपघात झाल्यावर पाऊण तास या अपघातग्रस्तांना मदत मिळाली नाही,अशी स्थानिक व प्रत्यक्षदर्शिनी याबाबत माहिती दिली असून यामुळे समृद्धी महामार्गावरून प्रवाशांची सुरक्षा धोक्यात आल्याचे दिसत आहे. मेहकर टोल प्लाझा येथून फक्त 10 किलोमीटर वर झालेल्या अपघातातील जखमींना तत्काळ मदत न मिळाल्याने अवस्था गंभीर झाल्याची माहिती प्रत्यक्षदर्शी व स्थानिक मदतकार्य करणारे व्यक्ती सरपंच समाधान पिसे संदीप पिसे खुशालराव वाघ यांनी दिली आहे.