ठेवीदारांनो आतातरी जागे व्हा;चार दिवसापासून राजस्थानी मल्टीस्टेट बंद:ठेवीदार हैराण

गणेश दळवी आष्टी-कोट्यवधी रुपयांच्या ठेवी आणि मार्केटमध्ये एक वेगळी ओळख असलेल्या राजस्थानी मल्टीस्टेट च्या शाखा गेल्या दोन ते तीन दिवसापासून अचानक बंद झाल्याने ठेवीदारांनी शाखा समोर एकच गर्दी केली आहे.मल्टीस्टेटचे अध्यक्ष चंदुलाल बियाणी यांच्या समर्थनार्थ एकीकडे परळीत त्यांचे फॉलोवर्स रस्त्यावर उतरून त्यांना सपोर्ट करत असताना दुसरीकडे शाखा बंद झाल्याने ठेवीदार माञ हैराण झाले आहेत.

बीड जिल्ह्यात गेल्या वर्ष दीड वर्षात अनेक सहकारी पतसंस्था मल्टीस्टेट अर्बन निधी बँक बंद पडल्या आर्थिक नियोजनाचा अभाव असल्यामुळे परिवर्तन,मातोश्री,ज्ञानराधा,साईराम,जिजाऊ मासाहेब,बीएचआर, शुभकल्याण,यासारख्या अनेक पतसंस्थांना कुलूप लागलं आहे.मल्टीस्टेटवाले ठेवीदारांनी ठेवलेला पैसा हा आपल्या बाप जाद्यांनी कमुन ऐश करण्यासाठी आपल्याला दिला आहे.अशा पद्धतीने या मल्टीस्टेट चालकांनी हा पैसा गुळ उद्योग प्लॉटिंग जमिनीचे खरेदी विक्री सोन्या-चांदीचे व्यवहार शेअर मार्केट या ठिकाणी गुंतवला.ठेवीदारांनी कोट्यावधी रुपये हातात दिल्यामुळे स्वतःला आमदार खासदाराच्या वर समजणारे हे मल्टीस्टेट चे मालक ठेवीदारांच्या पैशावर गाड्या घोड्या घेऊन मिरवू लागले मात्र ही आलेली सूज हळूहळू वसू लागली आणि अनेक पतसंस्था मल्टीस्टेट बंद पडू लागल्या बीडमध्ये जिजाऊ मासाहेब नंतर ज्ञानराधा मल्टीस्टेट मध्ये अडचणी निर्माण झाल्या सुरेश कुटे लोकांना रोज आवाहन करत असले तरी पैसे मात्र मिळत नाहीत ही वस्तुस्थिती आहे.त्यानंतर साईनाथ परभणे यांच्या मल्टीस्टेट अर्बन ला कुलूप लागले आणि आता चंदुलाल बियाणी यांच्या राजस्थानी मल्टीस्टेटच्या शाखा चार दिवसापासून बंद दिसत असल्याने ठेवीदार हैराण झाले आहेत.
मल्टीस्टेटवाले अचानक चंबू गबाळे,गुंडाळू शकतात
मोठ्या विश्वासाने ठेवीदार राष्ट्रीयकृत बॅका सोडून व्याजा व्याजदराच्या लोभापायी मल्टीस्टेटमध्ये ठेवी ठेवतात.पण हजारो कोटी ठेवी असल्या अन् शेकडो शाखा असल्यामुळे लोकं आकर्षित होऊन यांच्या शाखेत ठेवी ठेवतात.पण ह्या बाहेर गावावरून किंवा पर जिल्ह्यातून आलेल्या मल्टीस्टेट सगळं काहि सुरूळीत असतांना अचानकपणे रातीतून चंबू गबाळे गुंडाळून पलायन करतात.मग माञ ठेवीदारांना खालतं-वरतं सुधरत नाही.