केरूळमध्ये सशस्त्र दरोडा; दरोडेखोरांच्या हल्यात एक गंभीर जखमी

click2ashti update-तालुक्यातील केरुळ येथील टेंभीच्या माळाजवळील भागवत वस्तीवर दोरडखोरांनी दशहत माजवत सशस्त्र दरोडा टाकला.मारहाण करत दरोडखोरांनी सुमारे लाखों रुपायांचा रोख रकमेसह मुद्देमाल लूटला.या हल्ल्यात राजू महादेव भागवत (वय ३०) यांच्यावर सुमारे नऊ चाकुचे वार झाल्याने त्यांना अहमदनगर येथील खाजगी रूग्णालयात उपचारासाठी दाखल करण्यात आले आहे.सोमवारी मध्यरात्रीनंतर हा प्रकार घडला.

याबाबत घटनास्थळावरून मिळालेली माहिती अशी,केरुळ येथील राजू महादेव भागवत यांच्या घरामध्ये सोमवारी मध्यरात्रीनंतर अज्ञात ८ ते ९ दरोडेखोर काठी, कुऱ्हाड,चाकू अशी हत्यारे घेऊन घरात घुसले. कुटुंबातील मुलासह सर्वांना काठीने मारहाण करत चाकूचा धाक दाखवून दहशत माजवली.दरोडेखोरांनी भागवत यांच्या घरातील रोख रकमेसह सोन्या-चांदीचे दागिने लूटले.भागवत यांच्या घरात दरोडेखोरांना विरोध करणाऱ्या राजू महादेव भागवत यांना मारहाण करत त्यांच्यावर जवळपास नऊ चाकूने वार केल्यामुळे ते गंभीर जखमी झाले असून त्यांना अहमदनगर येथील खाजगी रूग्णालयात उपचारासाठी दाखल करण्यात आले आहे.दरोडा टाकल्यानंतर दरोडेखोर पसार झाले.गावात दरोडा पडल्याचे समजताच अनेकजण जमले.नागरिकांनी डायल ११२ वर माहिती दिली.त्यामुळे पोलिसांची गाडी घटनास्थळी दाखल झाली.तोपर्यंत दरोडेखोर दूरवर गेले होते.दरोडेखोरांना पकडण्यासाठी पहाटेपासून पोलिसांचा फौजफाटा सर्वत्र फिरत आहे. स्थानिक गुन्हे अन्वेषण,आष्टी पोलिस ठाण्याचे पोलिस शोध घेत होते.

आठ दिवसांत दुसरा दरोडा
गेल्या आठ दिवसापूर्वीच किन्ही येथील केरुळ रोडवरील काकडे वस्तीवर दरोडा पडला होता.यामध्ये जवळपास सव्वा लाखाचे मुद्देमाल चोरत येथील कुटुंबातील व्यक्तींना मारहाण केली होती.अजून या घटनेचा तपास लागला नसतानाच किन्ही पासून पाच किलोमीटरवर अंतरावर असलेल्या केरुळ येथे हा दुसरा दरोडा पडला आहे.याबाबत तपासावर प्रश्नचिन्ह निर्माण होत आहे.
पोलिस हाप्ते वसूलीत दंग
आष्टी शहरासह पोलीस ठाणे हद्दीत मोठ्या प्रमाणात अवैध धंदे होत असून,पोलीस याकडे जाणून-बूजून डोळेझाक करत आहे.पोलिसांना एखाद्या घटनेचा तपास लावण्याऐवजी अवैध धंदेवाल्याकडून हप्ते वसुली करण्यात दंग असल्याचे दिसत आहेत.