मुंबई I प्रतिनिधी
राज्य सरकारने राज्य मंत्रिमंडळाच्या बैठकीत परळी येथे पशुवैद्यकीय पदवी महाविद्यालय स्थापन करण्यास मंजुरी दिली आहे. यासह आधारसामग्री डाटा धोरणास राज्य सरकारची मान्यता दिली आहे. पर्यावरण व पशुसंवर्धन मंत्री पंकजाताई मुंडे यांनी काही दिवसांपूर्वी परळी येथे पशुवैद्यकीय पदवी महाविद्यालय सुरू करणार असे सांगितले होते. दरम्यान राज्य सरकारने सात महत्त्वाचे निर्णय मंत्रिमंडळ बैठकीत घेतले आहेत
मुख्यमंत्री देवेंद्र फडणवीस यांच्या अध्यक्षतेखाली राज्य मंत्रिमंडळाची बैठक पार पडली या बैठकीत महाराष्ट्र राज्य आधारसामग्री डाटा धोरणास राज्य सरकारने मान्यता दिली आहे. त्यासाठी राज्य डाटा प्राधिकरणाची स्थापना करण्यात येणार असून मुख्य सचिवांच्या अध्यक्षतेखाली नियामक समिती स्थापन करण्यात आली आहे. मुख्यमंत्री देवेंद्र फडणवीस यांच्या अध्यक्षतेखाली झालेल्या राज्य मंत्रिमंडळाच्या बैठकीत या निर्णयाला मान्यता देण्यात आली. याबरोबरच बीड जिल्ह्यातील परळी येथे नवीन पशुवैद्यकीय पदवी महाविद्यालय स्थापन करण्यास देखील मंत्रिमंडळाने मंजुरी दिली आहे.
